Құрметті қала тұрғындары! Ардақты ардагерлер!
Баршаңызды Ұлы Жеңіс күнімен шын жүректен құттықтаймын!
🔹Бұл күн бейбіт өмір мен жарқын болашақ үшін қолға қару алып, қан майданда жауға қарсы жанкештілікпен шапқыншылық жасаған ержүрек жауынгерлеріміздің ерлігі мен батырлығына тағзым ететін қастерлі күн!
🔹Отан үшін отқа түсіп, аман қайтқан майдагерлеріміздің алдында бас иеміз!
Дегенмен, уақыт өз дегеніне жетеді. Жыл өткен сайын Жеңісті жақындатқан ардагерлеріміз бен тылда тер төккен еңбеккерлеріміздің қатары сиреп барады.
🔹Қаламызда бүгінде небәрі 3 соғыс ардагері және 2183 тыл ардагері тұрады.
🔹Жеңіс сыйлаған майдангерлерімізге құрмет көрсетіп, қамқорлық жасау, көңілін аулап, қас-қабағын бағу — біздің азаматтық борышымыз!
🔹Себебі, өскелең ұрпақ аға буынның қаһармандығы пен қайтпас қайсарлығын үлгі тұтып, болашаққа бет түзейді.
🔹Қадірменді соғыс ардагерлері мен тыл еңбеккерлері, құрметті шымкенттіктер!
🔹Сіздерді Жеңіс мерекесімен құттықтай отырып, мықты денсаулық, ұзақ та бейбіт өмір, шаңырақтарыңызға бақ-береке мен ынтымақ тілеймін!
Айта кетейік Ұлы Отан Соғысы
Германияның КСРО-ға баса көктеп кіруі жалғыз осы мемлекеттің ғана соғыс ашқанын білдірген жоқ. Олармен бірге 1941 жылы 22 маусымда Румыния, Венгрия, Финляндия, сондай-ақ, Хорватия, Словакия, Испания, Голландия, Норвегия, Дания, Швеция және Еуропаның басқа да елдерінің ерікті құрылымдары болды. Әлбетте Германияның одақтастары – Италия мен Жапония да КСРО-ға қарсы шықты.
Мұрағат деректеріне сәйкес, 1941 жылы 22 маусымда Кеңес Одағының шекарасын жаудың шамамен бес жарым миллион солдаты мен офицері кесіп өтті. Ал жұмысшылар мен шаруалардың Қызыл Армиясында бар болғаны бес миллионнан астам адам болды. Жалпы Ұлы Отан соғысы басталғанда неміс армиясы мен оның одақтастарының саны 11 миллионнан асты.
Бірінші қай қалаларға шабуыл жасалды
1941 жылы 22 маусымда тура сағат 4:00-де неміс-фашист басқыншылары КСРО-ға қарсы соғысты бастады. Осы дата мен уақыт жайында танымал өлеңде айтылады. Алайда мұрағат материалдары бойынша шекараны бұзу әрекеттері одан бұрын басталған.