Шымкенттік боксшы әлем чемпионы атанды
![](https://mediaon.kz/wp-content/uploads/2024/01/407484562_659430126368751_3029327774316546415_n.jpg)
Армения елінің Ереван қаласында бокстан жасөспірімдер арасында Әлем біріншілігі өтті. Байрақты бәсекеде шымкенттік спортшы Нұрасыл Төлебек алтын медальға қол жеткізді.
Жерлесіміз 52 келі салмақта бақ сынап, тұғыры биік жеңіс жолында 4 қарсыласын айқын басымдықпен жеңді.
Әлем чемпионы атанған Нұрасыл Төлебек — Шымкент қаласы Бокс клубының шәкірті, Думан Байтелиев жаттықтырады.
Айта кетейік, 58 мемлекеттен 357 былғары қолғап шебері қатысқан дүбірлі додада Шымкент қаласынан 3 спортшы ел намысын қорғады.