2024 жылы Тұран ауданында 34,8 шақырымдық 42 көшеге орташа жөндеу жүргізіліп, 67 көше ағымдағы жөндеуден өтті. Осылайша, асфальттелген көшелер үлесі 80,2%-дан 87,4%-ға жетті. Ауданда барлығы 597 көше бар, былтыр 428 көшеге жарықшам орнатылды. Бүгінде жарықтандырылған көшелердің үлесі 42,5%-дан 93%-ға жетті. Демеушілердің көмегімен 2 демалыс орны ашылды. Абаттандыру бағытында 40 жаңа жоба іске асырылды, 30 – балалар ойын алаңшасы, 8 – балалар және спорт алаңшасы, 2 спорт алаңшасы. 6 мекенжайдағы ғимараттарға муралдар салынды.