Шымкент қаласының әкімі Ғабит Сыздықбеков қаланы аралау барысында “Айна” базарын жаңғырту жұмысымен танысты. Басты мақсат – сатушылар мен сатып алушылардың қауіпсіздігін қамтамасыз етіп, заманауи талап пен стандартқа сай жағдай жасау. Қала басшысы жауапты тұлғаларға базар маңындағы сауда нысандарының қасбетін бірыңғай сәулет стиліне келтіру бойынша тапсырма берді. Сонымен қатар, Еңбекші ауданы, Сайрам көшесіндегі саябақ құрылысының барысын тексеріп, Тоғыс тұрғын алабында жаңадан ашылған қоғамдық орынды аралады. Біз үшін Шымкент тұрғындарға қолайлы әрі жайлы мегаполис болғаны маңызды. Аудан әкіміне және қалалық жайлы ортаны дамыту басқарма басшысына егілген көшеттердің жерсінуін бақылап, жүйелі күтім жасауды тапсырды. Бұдан бөлек, Әл-Фараби ауданында Қонаев даңғылының алтыншы кезеңінің құрылыс барысын тексерді. Қазіргі таңда негізгі жұмыс аяқталуға жақын. Мердігер ұйымға жарықтандыру шамдарын орнату және инфрақұрылым желілерін бекітілген кестеге сәйкес аяқтауды тапсырды.
