Шымкентте автобустардың бағытын анықтайтын тағы бір қосымша іске қосылды
Мегаполисте «і-Kolik» мобильді қолданбасына балама ретінде «2ГИС” бағдарламасында жаңа қосымша іске қосылды.
Жуырда Цифрландыру басқармасы мен Жолаушылар көлігі және автомобиль жолдары басқармасының мамандары бірлесіп, аталған функцияны қолданысқа енгізді.
Қаладағы қоғамдық көліктердің жүру бағытын анықтау мақсатында GPS трекерлерді байланыстыру жұмыстары жүргізілді. Қазіргі таңда аталған қосымшаға автобустардың бағыты туралы толық ақпарат енгізілген.
