Соңғы 30 жылда БҰҰ Қазақстанда ұлттық, өңірлік және жергілікті деңгейлерде 400-ден астам жобаны іске асырды. Бастамалар теңсіздікті азайту, институттарды жаңғырту, экономиканы әртараптандыру және халықтың осал топтарын қолдау сияқты салаларға қатысты. Осы маңызды бастамалардың қатарына «Атамекен» Қазақстан Республикасының Ұлттық кәсіпкерлер палатасы ресми түрде Біріккен Ұлттар ұйымының жаһандық шартына (БҰҰ ЖШ) қосылды.
БҰҰ ЖШ – корпоративтік әлеуметтік жауапкершілік және тұрақты даму саласындағы бизнеске арналған халықаралық бастама. Өз қызметін қайырымдылыққа баса назар аударған БҰҰ неғұрлым стратегиялық іскерлік қатынастарды құруға көшті және бүгінде Қазақстанның 85 компаниясы (оның ішінде ҰКП) БҰҰ ЖШ мүшелері болып табылады. Өткен жылы 33 жаңа компанияның енуі осы бастамаға деген қызығушылықтың артқанын көрсетеді. Тұрақты даму мақсаттарына (ТДМ) қол жеткізу үшін негіз бола отырып, жоба Қазақстан мен бүкіл Орталық Азия өңірі үшін жаңа мүмкіндіктер ашады.
«Атамекен» ҰКП БҰҰ-ның жаһандық шартына қосылуының негізгі аспектілерінің бірі – тұрақты дамудың халықаралық күн тәртібі аясында Қазақстанның ұстанымын нығайту болып табылады. Климаттың өзгеруі, су ресурстарының тапшылығы және энергетикалық қауіпсіздік мәселелері сияқты жаһандық сын-қатерлер жағдайында Қазақстан осы проблемаларды шешуге бағытталған Орталық Азиядағы бірлескен жобалардың бастамашысы бола алады. Бұл өңірлік ынтымақтастықты күшейтуге және жаһандық экономикаға интеграциялау үшін жаңа мүмкіндіктер жасауға мүмкіндік береді.
Сонымен қатар, БҰҰ-ның жаһандық шарты тұрақтылыққа баса назар аудара отырып, елдің экономикалық дамуы үшін қуатты құрал болады. БҰҰ ЖШ платформасының арқасында қазақстандық компаниялар ұзақ мерзімді әрі тұрақты экономикалық өсуді қамтамасыз ете отырып, ТДМ-ны өз стратегияларына біріктіре алады.
БҰҰ-ның жаһандық шартына қосылу Қазақстандағы «жасыл» экономика мен инновацияларды дамыту үшін де жаңа мүмкіндіктер ашады. Экологиялық бастамаларды, цифрлық технологияларды және тұрақты бизнес тәжірибелерін енгізу көміртегі аз экономикаға көшуді жеделдетуге ықпал етеді.
Бұл үдерісте «Атамекен» ҰКП маңызды рөлі қазақстандық бизнес-қауымдастық арасында БҰҰ ЖШ қағидаттарын үйлестіру және ілгерілету болып табылады.