Елбасының “Қазақстандықтардың әл-ауқатының өсуі: табыс пен тұрмыс сапасын арттыру”атты Қазақстан Халқына арнаған Жолдауында өңірлердегі ауылшарушалық мәселелеріне де ерекше мән бергені белгілі.

Осыған орай, Түркістан облысында да ауылшаруашылығы саласы бойынша бірқатар жұмыстар атқаралып жатыр. Мәселен, биыл Түркістан облысы өнім көлемі бойынша республикада алғашқылардың қатарында. Бұл туралы Түркістан облысының әкімі  Орталық коммуникациялар қызметінің Түркістан қаласында өткізген көшпелі баспасөз конференциясында мәлімдеген болатын. «Ауыл шаруашылығы өнім көлемінің өсімі салыстырғанда 3,8% немесе 374 млрд. теңгені құрады. Оның ішінде мал шаруашылығы 188 млрд. теңгені құрап, өткен жылдың сәйкес кезеңінен 5 %  артты. Өсімдік шаруашылығы 184,4 млрд. теңге немесе 102,8% жетті. Ет өндірісі 6,7%-ға артып, 154,7 мың тоннаны құрады. Шетелге 4600 тонна ет экспортталып, бұл көрсеткіш бойынша Түркістан облысы елімізде көш бастады.  Сүт өндірісі 3,2%-ға артып, 555,6 мың тоннаға, жұмыртқа  9,2%-ға артып, 146,7 млн. данаға жетті. Республика бойынша ауыл шаруашылығы өнімінің үлесі 14,1% құрап,  2-орынға шықты. Биыл көкөніс, картоп, бақша дақылдарынан 2,7 млн. тонна өнім жиналып, рекордтық көрсеткішке қол жеткізілді.   Оның ішінде 500 мың тоннаға жуық өнімдер Ресей, Беларусь, Латвия, Германия мемлекеттеріне экспортталса, 1 млн. тоннасы еліміздің солтүстік өңірлеріне жөнелтілді», өңір басшысы. Түркістан облысы жылыжай, тамшылатып суғару бойынша көш бастап тұр. Мәселен, жылыжай көлемі 1285,4 гектарды, ал тамшылатып суғару әдісі 6,4 мың га артып, жалпы 64,4 мың гектарды құрады. Республикада жылыжайдың — 80%, тамшылатып суғару аумағының 72% түркістандықтарға тиесілі.

Медиаон ақпарат

Добавить комментарий

Ваш адрес email не будет опубликован.