«Ырыс» микроқаржы ұйымы Түркістан облысында жаңадан «Ырыс-өркендеу» бағдарламасын іске қосқаны белгілі. Облыс әкімі Өмірзақ Шөкеевтің тапсырмасы аясында жүзеге асырылып жатқан жоба бойынша енді ұйым шаруаларға аванстық төлемсіз қаржылық лизинг түрінде қолдау көрсетеді. Бұл жайында «ОNTUSTIK» аймақтық инвестициялық орталығы» басқармасы төрағасының орынбасары Темур Абильдинов отырарлық шаруалармен түсіндіріп берді.тЖиында «Ырыс» микроқаржы ұйымы директорының орынбасары Ерлан Ержанов аталған бағдарламаның ерекшелігі және артықшылығы туралы баяндады. Ол өз сөзінде:

– Бүгінде шаруалардың ауылшаруашылығына арналған жаңа техникаларды 9 пайызбен 84 айға, яғни, 7 жылға 10 млн теңгеге дейін кепіл мүліксіз лизингке алуға мүмкіндік туып отыр. Осы бағдарлама бойынша кәсіпкерлер ауылшаруашылығы мақсатындағы және ауылшаруашылығы техникаларына қажетті жабдықтарды сатып ала алады. Мұнда алдын ала төлем ретінде 25 пайыз инвестициялық субсидия төленеді. Лизингке Түркістан облысында кәсіпкерлікпен айналысатын заңды тұлғалар, шаруа қожалықтар, жеке кәсіпкерлер және ауылшаруашылығы өндірістік кооперативтері қол жеткізе алады, – деді. Жиын барысында шаруалар ұйым басшыларына өздерін толғандырған көкейдегі сауалдарын қойып, тұщымды жауаптар алды. Сөз барысында аудан басшысы Елбасымыз Нұрсұлтан Назарбаевтың биылғы Қазақстан халқына арнаған Жолдауында айтылған еліміздегі «шағын орта бизнесті» дамытудың маңыздылығын айта келе, «Ырыс-өркендеу» бағдарламасы шаруалардың мемлекеттік қолдаулар мен жеңілдіктерді тиімді пайдалануына үлкен мүмкіндік беретінін тілге тиек етті. Жалпы Отырар ауданында негізгі капиталға тартылған инвестиция көлемі 8 млрд 57 млн 100 мың теңгені құраған. Ол есепті мерзімімен салыстырғанда 103,3 пайызды құрады. Сондай-ақ ауданның өнеркәсіп кәсіпорындарында 11 млрд 944 млн 800 мың теңгенің өнімі өндіріліп, өнеркәсіп өнімінің нақты көлем индексі 104,7 пайызға жетті. «Ырыс» микроқаржы ұйымы 2009 жылдан бастап күні бүгінге дейін жалпы сомасы 1 млрд 519 млн 800 мың теңгені құрайтын 952 жобаны қаржыландырса, оның 61 жобасы 2018 жылдың 9 айына тиесілі болып отыр.

Медиаон ақпарат

Добавить комментарий

Ваш адрес email не будет опубликован.