Шымкент: амбулаториялық тегін дәрі-дәрмекпен қамтамасыз ету 2,6 есеге өсті
![](https://mediaon.kz/wp-content/uploads/2024/01/406795758_3502336510079290_7936331338290979437_n-1024x683.jpg)
Диспансерлік есепте тұратын азаматтарға 49 нозология бойынша тегін-дәрі дәрмек берілсе, биыл олардың саны 131-ге ұғайды. Бұл туралы «Әлеуметтік медициналық сақтандыру қоры» КЕАҚ Шымкент қаласы бойынша филиалының директоры Сәбит Құралбек Ақпараттық-коммуникациялық орталықта өткен баспасөз брифингінде мәлімдеді.⠀
⠀—Міндетті әлеуметтік медициналық сақтандыру жүйесі 2020 жылдан бастап енгізілді. 2023 жылдың 10 айында медициналық қызметтер бойынша 107 100 науқас стационарлық жағдайда емделген. Тегін медициналық көмектің кепілдендірілген көлемі бойынша – 14 370 адам ем алса, міндетті әлеуметтік медициналық сақтандыру бойынша 92 730 науқас қаралды. Сондай-ақ,медициналық көмек көрсетудің басым бағыттарының өзгеруіне орай медициналық қызметкерлердің орташа жалақысы өсті. Қазан айынан бастап дәрігерлердің орта жалақысы – 455 410 теңге, орта буын медициналық қызметкерлерінікі 245 063 теңгеге жетті,– деді Сәбит Райымбекұлы. ⠀
⠀Сәбит Құралбектің айтуынша, ересектер мен балаларға оңалту емі 2 есеге артқан. Оңалту ем шараларының да түрлері ұлғайған. 2019 жылы кардиологиялық кардиохирургиялық, неврологиялық, ортопедиялық және жалпы оңалту шаралары 12 медициналық ұйымда жүргізілсе,2022 жылы қосымша травматологиялық, пульманологиялық бағыттары қосылған.⠀