ШЫМКЕНТ: ЖАҢА СЕЙСМОЛОГИЯЛЫҚ СТАНЦИЯ ҒИМАРАТЫ САЛЫНАДЫ
![](https://mediaon.kz/wp-content/uploads/2024/01/423133930_689634400014990_6232252830740399295_n-1024x684.jpg)
Бүгін қала әкімі Ғабит Сыздықбеков «Шымкент» сейсмологиялық станциясының жұмысын тексерді.
Станцияда сейсмикалық деректерді жинау, талдау, өңдеу, қашықтықты, жер сілкінісі ошақтарының классын, магнитудасын және бағытын анықтау жұмыстары жүргізіледі. Мұнда 3 жұмысшы қызмет атқарады. 1927 жылдан бері жұмыс істеп келе жатқан бекеттің ғимараты бүгінде әбден тозығы жеткен.
Аталған станцияның жай-күйімен танысқан қала басшысы жауаптыларға жаңа ғимарат салуға тапсырма берді.
Аралау кезінде қала әкімі Сауда логистикалық орталықтағы көпфункционалды қойма кешенінің құрылыс жұмыстарын бақылады.
Жаңа көкөніс қойма кешені 6 гектар аумақта салынуда. Жеке инвестор есебінен қаржыландырылған инвестициялық жобаның жалпы құны – 10 239 млн теңге. Аталған жобаны биыл іске қосу жоспарлануда. Нәтижесінде, 107 адам жұмыспен қамтылады. Қазіргі уақытта жобаның 1-кезеңінің құрылыс-монтаж жұмыстары 80 пайыз орындалды. «НМИ-ЮГ» ЖШС компаниясы аталған қоймада «Cross» жүйесін пайдалануды көздеп отыр.
Құрылыс жұмыстарын бақылаған қала басшысы кәсіпкерлік бастамаларды ынталандыру мақсатында мемлекеттік қолдау жалғасатынын жеткізді.